തിമിംഗലം പരിശീലകയെ കൊലപ്പെടുത്തി     യു എസ്സിലെ ഫ്‌ളോറിഡയിലെ ഓര്‍ലാന്റോയിലുള്ള പ്രശസ്തമായ സീവേള്‍ഡ് മറൈന്‍ പാര്‍ക്കില്‍ പരിശീലകയെ തിമിംഗലം കൊലപ്പെടുത്തി. ഈ പാര്‍ക്കിലെ ഷാമു സ്റ്റേഡിയത്തില്‍ നടക്കുന്ന പ്രദര്‍ശനത്തിന് തയ്യാറെടുക്കന്നതിനിടെയാണ് പരിശീലകയായ ഡോണ്‍ ബ്രാന്‍ചൊ (40) അപകടത്തില്‍പ്പെട്ടത്.അക്രമസ്വഭാവമുള്ള ടിലികും എന്ന അപകടകാരിയായ തിമിഗലത്തെ സൂക്ഷിച്ചിരുന്ന ടാങ്കിലേക്ക് ഡോണ്‍ ബ്രാന്‍ചൊ കാല്‍ വഴുതി വീണാണ് അപകടം അപകടം സംഭവിച്ചത്. തിങ്ങിനിറഞ്ഞ കാണികള്‍ക്കു മുന്നിലാണു കൊലയാളി തിമിംഗലം പരിശീലകയായ ഡോണ്‍ ബ്രാന്‍ചൊയുടെ ജീവനെടുത്തത്‌.ഉച്ചസമയത്തെ പ്രദര്‍ശനം അവസാനിക്കുമ്പോഴായിരുന്നു സംഭവം.സംഭവം നടന്നയുടന്‍ കാണികളെ ഒഴിപ്പിച്ച് യുവതിയെ രക്ഷിക്കാനുള്ള ഫയര്‍ഫോഴ്‌സ് ഉദ്യോഗസ്ഥര്‍ ശ്രമിച്ചെങ്കിലും വിജയിച്ചില്ല. സംഭവത്തെത്തുടര്‍ന്നു പാര്‍ക്കിലെ തിമിംഗല പ്രദര്‍ശനം താത്കാലികമായി നിര്‍ത്തിവ ച്ചിരിക്കുകയാണ് . ഇതേ തിമിംഗലം 1991 ല്‍ കാനഡയില്‍ പരിശീലകനെ കൊലപ്പെടുത്തിയിരുന്നു.   Click here to rate this news