വനിതാ സംബരണ ബില് അവതരണവുമായി ബന്ധപ്പെട്ട് തിങ്കളാഴ്ച രാജ്യസഭാ നടപടികള് തടസപ്പെടുത്തിയ ഏഴ് എം.പിമാരെ ഈ സമ്മേളന കാലാവധി തീരുംവരെ സസ്പെന്ഡ് ചെയ്തു .രാജ്യസഭ ചെയര്മാന് ഹമീദ് അന്സാരി ആണ് ഇവരെ സസ്പെന്ഡ് ചെയ്തത് . ഇതുസംബന്ധിച്ച പ്രമേയം ശബ്ദവോട്ടോടെ സഭ അംഗീകരിച്ചു.
എന്നാല് ചൊവ്വാഴ്ചയും വനിതാ ബില് വിഷയത്തില് രാജ്യസഭാ നടപടികള് തടസപ്പെട്ടിരിക്കുകയാണ് .രാവിലെ ചോദ്യോത്തരവേള തുടങ്ങിയ ഉടന് സമാജ്വാദി പാര്ട്ടി, രാഷ്ട്രീയ ജനതാദള് എന്നിവയിലെ അംഗങ്ങള് ബഹളം തുടങ്ങി. ബഹളം നിയന്ത്രിക്കാന് കഴിയാതെ വന്നതോടെ സഭാ നടപടികള് ഉച്ചയ്ക്ക് 12 വരെ നിര്ത്തിവച്ചു. വീണ്ടും ചേര്ന്നപ്പോഴും ബഹളം തുടര്ന്നതോടെ രണ്ടു മണിവരെ നടപടികള് നിര്ത്തിവെച്ചിരിക്കുകയാണ്.
വനിതാ ബില് വിഷയത്തില് ബഹളംമൂലം രാജ്യസഭാ നടപടികള് തിങ്കളാഴ്ച ആറു തവണ തടസപ്പെട്ടിരുന്നു. വൈകീട്ട് ആറിന് വോട്ടെടുപ്പ് നടത്തുമെന്ന് പ്രഖ്യാപിച്ചിരുന്നെങ്കിലും ബഹളംമൂലം വോട്ടെടുപ്പ് ചൊവ്വാഴ്ചയിലേക്ക് മാറ്റുകയായിരുന്നു.
All Right reserved.
Our-Kerala is an official webportal of OPSIndia.
Our-Kerala Contents are taken from many webresources and newspapers and directly reported by our reporters. Resources - Advertise with us