ബസ്‌ :മിനിമം ചാര്‍ജ് 4 രൂപയാക്കാന്‍ നാറ്റ്പാക് നിര്‍ദ്ദേശം     ബസ്സുകളിലെ മിനിമം നിരക്ക് മൂന്നര രൂപയില്‍ നിന്ന് നാലുരൂപയാക്കിക്കൊണ്ടും കിലോമീറ്ററിന് പത്തുമുതല്‍ ഇരുപതുശതമാനം വരെ വര്‍ധന ഏര്‍പ്പെടുത്തിക്കൊണ്ടുമുള്ള റിപ്പോര്‍ട്ട് തിങ്കളാഴ്ച നാറ്റ്പാക് സംസ്ഥാന സര്‍ക്കാരിന് സമര്‍പ്പിച്ചു .ഇനി നാറ്റ്പാക് റിപ്പോര്‍ട്ട് ഹൈക്കോടതി നിര്‍ദേശിച്ച പ്രകാരമുള്ള നടപടിക്രമങ്ങള്‍ക്കുശേഷം മന്ത്രിസഭാ ഉപസമിതി ചര്‍ച്ച ചെയ്യും. ചാര്‍ജ് വര്‍ധനവ് ആവശ്യപ്പെട്ട് ബസ്സുടമകള്‍ ഹൈക്കോടതിയില്‍ ഹര്‍ജി നല്‍കിയതിനാലാണിത്. കെ.എസ്.ആര്‍.ടി.സിയുടെ ഫാസ്റ്റ്പാസഞ്ചറില്‍ അഞ്ചുരൂപയും സൂപ്പര്‍ഫാസ്റ്റില്‍ പത്തുരൂപയും എക്‌സ്​പ്രസ്സില്‍ പതിനഞ്ചുരൂപയും കുറഞ്ഞ യാത്രാക്കൂലി ഏര്‍പ്പെടുത്താനും നാറ്റ്പാക് ശുപാര്‍ശ ചെയ്തിട്ടുണ്ട്.ഓട്ടോ, ടാക്‌സി നിരക്ക് കിലോമീറ്ററിന് രണ്ടു രൂപയോളം വര്‍ധിപ്പിക്കാനും നാറ്റ്പാക് ശുപാര്‍ശ നല്‍കിയതായാണ് റിപ്പോര്‍ട്ടുകള്‍ .   Click here to rate this news