 കേരളത്തില് ഖാദിയുടെ അംബാസഡറായി നടന് മോഹന്ലാലിനെ നിയമിച്ചത്തിനെതിരെ സുകുമാര് അഴിക്കോട് രംഗത്ത് . മോഹന്ലാലിനെ ഖദര് വസ്ത്രത്തിന്റെ അംബാസഡര് ആക്കിയത് വ്യവസായ മന്ത്രി പുനരാലോചിക്കണമെന്ന് അഴിക്കോട് ആവശ്യപ്പെട്ടു . ചരക്കിനു ഗുണനിലവാരം ഇല്ലാതെ വരുമ്പോള് വിറ്റഴിക്കാനാണ് അംബാസഡര്മാരെ നിയമിക്കുന്നത്. വ്യവസായ വകുപ്പിന്റെ നടപടി ഗാന്ധിജിയെ അപമാനിക്കലാണ്. ഗാന്ധിജിയെ ഗോഡ്സെ കൊന്നതിലും വലിയ കൊലയാണിത്. ഖദറിന്റെ അംബാസഡര് ഗാന്ധിജിയാണ്. മഹാത്മാവിന്റെ സ്ഥാനത്ത് മോഹന്ലാലിനെ പ്രതിഷ്ഠിക്കാന് കേരളത്തില് സമ്മതിക്കില്ലെന്നും അഴീക്കോട് പറഞ്ഞു ഈ നടപടി എല്.ഡി.എഫ്. മന്ത്രിസഭയ്ക്ക് സംഭവിച്ച ഏറ്റവും വലിയ ആദര്ശഭ്രംശവും കളങ്കവുമാണെന്ന് അഴീക്കോട് വിലയിരുത്തി.ഈ സാഹചര്യത്തില്, സര്ക്കാരിന്റെ തെറ്റായ പരിപാടി പിന്വലിക്കുന്നതുവരെ കേരളത്തിലെ ഗാന്ധിയന്മാര് സത്യാഗ്രഹസമരം നടത്തണമെന്ന് സുകുമാര് അഴീക്കോട് അഭ്യര്ഥിച്ചു.
|
